بيروت- موقع حكايات- عادل سمياأعلنت الفنانة مي مطر اعتزالها الفن ، حيث انها نشرت رسالة على صفحتها الخاصة على موقع التواصل الإجتماعي فايسبوك ، تظهر فيها إستياءها من الوسط الفني ، وبالتالي وجدت ان الإعتزال افضل لها .
وورد في رسالة مي :" كتير منكن بلش يعرفني آخر سنتين بس وفي منن تابعوني من الاول يعني من 5 سنين ، إنتاجي كان قليل وما قدرت نزّل غير 7 أغاني كل هالفترة لان كنت إنتج لحالي، ومتل ما في كتار منكن بيعرفو إنو أصعب شي الإنتاج."
وأضافت:"حابي خبركن إنو مسيرتي يللي ما بتبين عالتلفزيون وخبركن عن اللي كان يصير ورا الشاشة ، تعبت كتير على حالي وزعلت كتير بأيام ، الفن مش سهل متل ما بيبين ، وهيدي الطريق أصعب طريق ممكن أي إنسان يختبرا لان اللي ما بيعرفا بيجهلا ، الفن كمان كلو وسايط ومعارف وتبييض وج ، واكيد تعطي وج لهيدا وتطبطب لهيداك ،وأنا طبعاً ما قدرت ولا نهار أعملن ."
وتابعت:"بعدني بكتب وبلحن لأنها موهبة ولدت معي ، بعد تفكير كتير وصلت لمرحلة إقتنعت إنو الفن مش لإلي وبدي إرتاح ..قد ما أعطي رح ضل محلي وهيدا حظ كل فنان إنتاجو خاص وماشي بالطريق الصح بغابة مليانة حيوانات ."
وإستدركت:"يللي زعل اليوم إنو ما بقى يسمعلي جديد، ما بدي يزعل ، مش رح إختفي وممكن بعد رياحة طويلة إرجع نزل شي بس كلو عالخفيف لأن ما بقى حاطة الفن براسي .. بتمنى تدعمو قراري ."
ثم ختمت مي رسالتها بإهداء أغنية بعنوان "لا يا قلبي" كلمات مي نفسها والحانها نشرتها على youtube فقط لأجل محبيها .
ليست هناك تعليقات:
إرسال تعليق